உலகில் தேசிய இன உணர்வு என்பது மனித குலத்தை வழிநடத்தும் சிறப்புக் காரணியாகத் திகழ்கிறது. ஓர் இனம் என்பது ஒரு மக்கள் குழுவின் மரபுக் கூறு சார்ந்ததோ, பண்பாடு சார்ந்ததோ மட்டுமல்ல அது ஒரு மக்கள் குழு மற்றொரு மக்கள்குழுவை ஒடுக்கி மேலாண்மை செய்யும் ஒரு ஒடுக்குமுறை கருத்தியலாகவும் பலநூறு ஆண்டுகளாக இருந்து வந்திருக்கிறது. வரலாறு தொடங்கிய காலம் முதலே இன ஒடுக்கு முறையும் தொடர்கிறது.

அதுபோன்றே ஒரு மக்கள் குழுவை ஒருங்கிணைத்து ஓர்மை உணர்வூட்ட இனஉரிமை மற்றும் பாதுகாப்பை உறுதி செய்யும் சக்தியாக இன உணர்வு இருந்து வந்திருக்கிறது. இது இன்று வரை வரலாற்றின் உந்து சக்தியாகவும் உள்ளது.

மனிதகுலம் தொடக்கத்தில் பல மரபினங்களாகத் தோற்றம் பெற்று இன்று பல்வேறு மொழிவழி தேசிய இனங்களாக வளர்ச்சி பெற்றுள்ளது. இனிவரும் காலங்களில் உடல்சார்பண்புகளால் ஓர் இனத்தை அடையாளம் கண்டுவிடமுடியாது. தவிர்க்க இயலாதவாறு மரபினக் கலப்புகளுடன் உருவாகிவிட்ட தேசிய இன மொழிகளே ஓர் இனத்தை அடையாளப்படுத்துகின்றன.

தேசிய இனம் என்பதற்கு ஒரு பொதுமொழியையும், பொது வாழ்க்கை முறையையும் வரையறுக்கபட்ட ஒரு வாழ்நிலத்தையும், பொதுபண்பாட்டில் உருவான உளவியல் உருவாக்கத்தையும், பொதுப் பொருளாதார அமைப்பையும் பெற்ற வரலாற்று அடிப்படையில் அமைந்த ஒரு நிலையாக சமுதாய மக்கள் என வரையறைப் படுத்தப்படுகிறது.

ஒவ்வொரு தேசிய இனமும் தனக்கான இறையாண்மையுடைய தேசத்தைப் படைத்துக் கொள்ளத் துடிக்கிறது. பல்வேறுப் போராட்டங்களுக்குப் பின் தனக்கான தேசத்தைப் படைத்துக் கொண்ட தேசிய இனங்கள் உரிமையுடனும் பாதுகாப்புடனும் வாழ்கின்றன. தனக்கான உரிமையையும், பாதுகாப்பையும் உறுதிப்படுத்த இயலாத சில தேசிய இனங்கள் தங்கள் உரிமைக்காகத் தொடர்ந்து போராடிக் கொண்டிருக்கின்றன.

ஆயுதப் போராட்டங்கள் மூலம் தங்கள் உரிமையையும் பாதுகாப்பையும் உறுதிபடுத்த முடியும் எனக் கருதிய பல்வேறு தேசிய இனங்கள் தங்களுக்கிடையே பல அணிகளாகத் திரண்டு ஆயுதப் போராட்டங்கள் நடத்தின. இதன் விளைவு கடந்த பலநூறு ஆண்டுகளாக உலகம் இரத்தக்களமாக மாற்றப்பட்டது. இந்நிலையில் 14, 15 ஆம் நூற்றாண்டுகளில் தங்கள் வாணிபத்தைப் பெருக்குவதற்காக கடல்வழிமார்க்கமாக புதிய நாடுகளை கண்டுபிடிக்க மேற்கத்திய நாடுகள் அணிதிரண்டன. பல்வேறு புதிய நாடுகள் கண்டுபிடிக்கப்பட்டன.

இந்நிலையில் நாடுபிடிக்கும் போட்டியோடு மதப்பிரச்சாரங்களும் முன்னெடுக்கபட்டன. குறிப்பாக, ஆங்கிலேயர்கள் இந்திய வருகையின் போது உலகப்பொதுமறை திருக்குறளை ஆங்கிலத்தில் மொழிபெயர்த்து உலகெங்கும் பரப்பினர்.

தொழில் புரட்சி ஏற்பட்டது. 1789 இல் பிரெஞ் புரட்சி என்னும் மக்கள் புரட்சி தங்கள் தேசியஇன உரிமைக்காகவும் பாதுகாப்பிற்காகவும் போராடிவரும் மக்களுக்கு புதிய வெளிச்சத்தைப் பாய்ச்சியது. தொடர்ந்து பல்வேறு தேசிய இனங்கள் தங்கள் உரிமைக்காக தன்னெழுச்சியுடன் போரடத் தொடங்கின. 1917 இல் கம்யூனிசக் கொள்கையை முன்னெடுத்து ருசிய புரட்சி ஏற்பட்டது.

இருபதாம் நூற்றண்டில் உலகநாடுகள் இரண்டு அணிகளாகத் திரண்டு தங்கள் உரிமைகளுக்காகவும், பாதுகாப்பிற்காகவும் போராடின. அதுவே முதலாம் உலகப்போர், இரண்டாம் உலகப்போர் என வரலாறு குறிக்கிறது. முதல் உலகப்போருக்கு பின் தேன்றிய பன்னாட்டுக் கழகம் இனிவரும் நாலங்களில உலக நாடுகளுக்கிடையே ஆயுதப்போர் நிகழாமல் இருக்க ஓர்இனம் ஒருநாடு என்ற சுயநிர்ணய உரிமைக் கொள்கையை தன் உலகளாவிய நடைமுறைக் கொள்கையாக ஏற்றுக் கொண்டது.

ஆனால் தங்கள் உரிமைக்காகவும் பாதுகாப்பிற்காகவும் போராடி வந்த தேசிய இனங்கள் ஆதிக்கச் சக்திகளின் கட்டுப்பாட்டிலிருந்து விடுபட இரண்டணிகளாகத் திரண்டன. அணு ஆயுத உற்பத்தியின் உச்சகட்டமாக அமெரிக்கா ஜப்பான் நாட்டின் இரண்டு வணிகநகரங்களான கிரோசிம நாகசாகி ஆகியவை மீது அணுகுண்டு வீசி தரைமட்டமாக்கின இரண்டாம் உலகப்போர் முடிவுக்கு வந்தது.

அணு ஆயுதப்போர் தொடர்ந்தால் மனித இனம் அழிக்கப்பட்டுவிடும் என்பதைக் கண்டு கொண்ட உலகநாடுகள் 1945 இல் ஐக்கியநாடுகள் பாதுகாப்பு அவை என்னும் அமைப்¬பைத் தொடங்கினர். தொடக்கத்தில் 48 நாடுகள் மட்டுமே ஐக்கியநாடுகள் அவை அங்கம் வகித்தன.

ஐக்கியநாடுகள் அவை தங்கள் உரிமைக்காகவும், பாதுகாப்பிற்காகவும் போராடிவரும் தேசிய இனங்களின் போரட்டங்களுக்கு ஆதாரமாக பல்வேறு தீர்மானங்களை நிறைவேற்றியுள்ளது. குறிப்பாக, 1950 ஆம் ஆண்டு ஐக்கியநாடுகள் அவை நியயமித்து வல்லுநர்க் குழு ஒன்று தெளிவாக வரையறுக்கப்பட்டப் பகுதியில் தன்னாட்சி நடத்திய வரலாறும் தனித்தப் பண்பாடும் இழந்த தன்னாட்சி உரிமையை மீண்டும் பெறுவதற்கானப் பொது விருப்பமும் ஆற்றலும் உடைய தேசிய இனங்கள் விடுதலைபெற தகுதி உடையவை எவை என்னம் வரலாற்றுச்சிறப்பு மிக்கத் தீர்மானத்தை நிறைவேற்றியது.

இந்த அறிக்கையின் அடிப்படையில் தான் உலகெங்கும் ஆதிக்கச் சக்திகளிடம் அடிமைப்பட்டுக் கிடந்த பல்வேறு தேசிய இனங்கள் தன்னாட்சி உரிமை அடைந்து வருகின்றன. தற்போது 200–க்கும் மேற்பட்ட தேசிய இனநாடுகள் விடுதலை அடைந்து ஐக்கியநாடுகள் அவையில் அங்கம் வகிக்கின்றன.

தற்போது உலகில் தனியுடைமை முதலாளித்துவக் கோட்பாட்டை கடைபிடிக்கும் நாடுகளும் பொதுவுடைமை சர்வாதிகாரக் கோட்பாட்டைக் கடைபிடிக்கும் நாடுகளும் போட்டிப் போட்டுக் கொண்டு அணு ஆயுதங்களை பெருக்கி உலகெங்குமுள்ள தேசிய இன நாடுகளைக் கொலைக்களமாகக் கொண்டு தங்கள் மேலாதிக்கத்தை நிலைநாட்டி வருகின்றன. இவர்களின் கோரப்பசி மதப் பயங்கரவாதமாகவும், அரசப் பயங்கரவாதமாகவும் உருவெடுத்து உலகையே அழிவுப்பாதைக்கு இட்டுச் செல்கின்றன.

ஆகவே, உலகெங்குமுள்ள மொழிவழி தேசிய இனங்களின் உரிமையையும் பாதுகாப்பையும் உறுதிபடுத்துவதற்கும் இறையாண்மையை பாதுகாப்பதற்கும் அனைத்துத் தேசிய இனங்களிடையே நல்லுறவை ஏற்படுத்தவும் ஓர் இனம் இன்னொரு இனத்தை மேலாதிக்கம் செய்வதைத் தடுத்து நிறுத்தவும் அன்னிய ஆதிக்கச்சக்திகளிடம் அடிமைபட்டுக் கிடக்கும் தேசிய இனங்களைத் தன்னுரிமை கொண்ட இனங்களாக மாற்றவும் உலகிலுள்ள அனைத்துத் தேசிய இனங்களும் ஐ.ந.அவையில் உறுப்பு நாடுகள் என்பதை உறுதிபடுத்தவும் உலகத் திருக்குறள் கூட்டமைப்புத் தேவையானத் திட்டங்கள் வகுத்துச் செயல்படும்.

உலகில் தேசிய இன உணர்வு இப்பொழுது நடைபெற்றுவரும் தனியுடைமை முதலாளித்துவ ஆட்சிமுறையும் பொது உடைமை சர்வாதிகார ஆட்சிமுறையும் உலகத் தேசிய இனங்களின் வாழ்வுரிமைக்கும் பாதுகாப்புக்கும் எதிரானது உலகச் சமுதாயத்திற்குத் தீங்கானது. தேசிய இனங்களுக்குப் புத்துயிர் ஊட்டும் பணி. சொந்த வரலாறு தெரியாத ஓர்இனத்தால் தலைநிமிர்ந்து தளையறுத்து தன்னுரிமையுடன் வாழ இயலாது.

அதுபோல தனது அடையாளங்களையும் தனக்கே உரிய பண்பாட்டு மரபுகளையும் இழந்துவிட்ட சமுக பொருளாதார அரசியல் விடுதலை அடைவது சாத்தியமில்¬லை. ஆகவே, ஒவ்வொரு தேசிய இனமும் தாங்கள் நாடாண்ட இனம் என்னும் வரலாற்று உண்மையைப் புரட்டி ஓர் அணியாய் திரட்டி அரசியல், பொருளியல் பண்பாட்டியல் துறைகளில் ஆக்கமும் ஆழ்வினையும் கூட்டி தற்கால உலகில் பிற இனத்தாரோடும், நாட்டரோடும் போட்டியிட வல்ல ஊக்கத்தையும் உளத்தியலையும் வளர்க்க வேண்டும்.