செயல்பாடுகள் - 2018

1. தமிழகம், இந்திய துணைக் கண்டம் மற்றும் உலக நாடுகளில் செயல்பட்டு வரும் திருவள்ளுவர்- திருக்குறள் சார்ந்த திருக்குறள் தொண்டர்களை ஒருங்கிணைக்கும் உறவுப் பாலமாக உலகத்திருக்குறள் கூட்டமைப்பு செயல்படுவது என தீர்மான முன் வரைவு முன்வைக்கப் பட்டது.
2. திருவள்ளுவர் – திருக்குறள் அமைப்புகள் சார்ந்த திருக்குறள் தொண்டர்களின் சமூகப் பொருளாதார நிலை குறித்து ஆய்வு மேற்கொண்டு, அவர்களின் ‘செயற்பாடுகள் தொய்வு இல்லாமல் நடைபெறவும் தேவையான வழிகாட்டுதல்கள் வழங்கிடவும், வளர்ந்து வரும் தொழில் நுட்பங்களை முறையாகப் பயன்படுத்தவும், திருக்குறள் அமைப்புகளின் பணிகளை உலக மக்களிடம் கொண்டு சேர்க்கவும், திருக்குறள் சான்றோர்களின் பட்டறிவைப் பகிர்ந்துக் கொள்ளவும்’ தேவையான ஆக்கமும், ஊக்கமும் வழங்குவது என தீர்மான முன் வரைவு முன்வைக்கப்பட்டது.
3. கூட்டமைப்பின் சார்பாக உலகெங்கும் உள்ள திருவள்ளுவர் – திருக்குறள் அமைப்புகள் சார்ந்த திருக்குறள் தொண்டர்களின் செயல்பாடுகளை உலக மக்கள் அறியும் வகையில் ‘உலக திருக்குறள் தொண்டர்களின் செயற்பாட்டுத் தொகுப்பு அடங்கல்’ தொகுத்து வெளியிடுவது என தீர்மான முன் வரைவு முன்வைக்கப்பட்டது.
4. ஆண்டு தோறும் கூட்டமைப்பின் சார்பாக ‘மாவட்ட, மாநில, தேசிய, உலக அளவில் மாணவர்களுக்கான திருக்குறள் போட்டிகள்’ நடத்தி ஊக்கப்படுத்துவது எனவும், திருவள்ளுவர்- திருக்குறளை நடுவப்படுத்திச் செயலாற்றி வரும் திருக்குறள் அமைப்புகள் சார்ந்த திருக்குறள் தொண்டர்களின் செயல்பாடுகளுக்கு ஏற்ப, கூட்டமைப்பின் சார்பாகப் ‘பாராட்டுகளும், சான்றிதழ்களும் வழங்கிச் சிறப்புச் செய்வது எனவும் தீர்மான முன் வரைவு முன்வைக்கப் பட்டது.
5. திருக்குறளை உலகப் பொதுமறையாக அறிவிக்க ஐக்கிய நாடுகளின் யுனெஸ்கோ அமைப்பினை வலியுறுத்தித் திருக்குறள் மாநாடுகள் நடத்திவரும் ஆசியவியல் நிறுவனத்திற்குக் கூட்டமைப்பு- ஒருங்கிணைப்பு மாநாடு நன்றித் தெரிவித்துக் கொள்வது என தீர்மான முன் வரைவு முன்வைக்கப்பட்டது.
6. திருக்குறள் நெறிப்படி குடும்ப நிகழ்வுகளை நடத்த வழிகாட்டும் வகையில் கூட்டமைப்பின் உறுப்பு அமைப்புகளுக்கும் திருக்குறள் தொண்டர்களுக்கும் குறள் வழித் திருமணம், குறள்வழி¢ப் புதுமனைப் புகுவிழா, குறள் வழிப் பிறந்தநாள் விழா போன்ற அனைத்து நிகழ்வுகளையும் குறள் வழி நடத்த பயிற்சிகள் வழங்குவது என தீர்மான முன் வரைவு முன்வைக்கப்பட்டது.
7. உலகத் திருக்குறள் கூட்டமைப்பில் இணைந்துள்ள திருவள்ளுவர் – திருக்குறள் அமைப்புகளில் உள்ள நடனக் கலைஞர்கள், வில்லிசைக் கலைஞர்கள், இசைக் கலைஞர்கள், நாடகக் கலைஞர்கள், பாடல் கலைஞர்கள் உள்ளிட்ட அனைத்து வகைக் கலைஞர்களையும் ஒருங்கிணைத்துக் கூட்டமைப்பின் சார்பில் திருக்குறள் நெறிப்பரப்பும் கலை விழாக்கள் நடத்துவது என தீர்மான முன் வரைவு முன்வைக்கப்பட்டது.
8. கூட்டமைப்பின் மூலம் உலகெங்கும் உள்ள திருவள்ளுவர் – திருக்குறள் அமைப்புகளின் கருத்துகளை அடிப்படையாகக் கொண்டு திருவள்ளுவரின் வாழ்க்கை வரலாறு ஒன்றினை உருவாக்கம் செய்து கதை, நாடகம் நடனம் உள்ளிட்ட பல்வேறு கலை வடிவங்களிலும் புத்தகங்கள், தொலைக்காட்சி, திரைப்படங்கள் மற்றும் நவீனத் தொழில்நுட்பங்கள் வாயிலாகவும் பொதுமக்கள் மத்தியில் குறிப்பாக, மாணவர்கள் மத்தியில் பரப்புரைச் செய்ய தேவையான நடவடிக்கை மேற்கொள்வது என தீர்மான முன் வரைவு முன்வைக்கப்பட்டது.
9. தமிழ்க் குழந்தைகளுக்குத் திருக்குறள் சார்ந்த பெயரிடுதல் மற்றும் வீடு, அலுவலகம், வாகனம் போன்றவற்றில் திருவள்ளுவர் படம் உள்ளிட்ட திருக்குறள் அடையாளங்களை இடம் பெறச்செய்தல் போன்ற நோக்குகளில் விழிப்புணர்வு ஏற்படுத்துவதுஎன தீர்மான முன் வரைவு முன்வைக்கப்பட்டது.
10. இளைஞர்கள், மாணவர்கள், மகளிர் உள்ளிட்ட அனைவரும் திருக்குறளை வாழ்வியலாக்குவதற்குத் தேவையான பயிற்சிகள், கருத்தரங்குகள், பட்டறைகள் மற்றும் நவீனத் தொழில் நுட்பங்கள் மூலம் விழிப்புணர்வு ஏற்படுத்துவது என தீர்மான முன் வரைவு முன்வைக்கப்பட்டது.
11. தமிழகத்தில் ‘பராமரிப்பில்லாமல் உள்ள திருவள்ளுவர் சிலைகள், மண்டபங்கள், திருவள்ளுவர் கோயில்களைத் தொடர்ந்து பராமரிக்கவும்,’ நிறுவ முடியாமல் முடங்கிக் கிடக்கும் திருவள்ளுவர் சிலைகளை நிறுவ நடைவடிக்கைகள் மேற்கொள்ளவும் கூட்டமைப்பின் சார்பாக முன்முயற்சிகள் எடுப்பது என தீர்மான முன் வரைவு முன்வைக்கப்பட்டது.

இந்தத் தீர்மான முன்வரைவுகள், அடுத்துவரும் கூட்டங்களில் முறைப்படி (முன்மொழிபவர், வழிமொழிபவர் என வரையறுத்து) முன்வைக்கப்படும்; கலந்தாய்வுகள் மேற்கொள்ளப்படும்; திருத்தங்கள் இருப்பின் ஏற்றுத் தீர்மானங்களாக ஏற்கப்படும்.